إدريس ابن علي السناني
Tribute to the Malhun Master Idriss Ben Ali As-Sennani
تكلم الطير فالغصان
دوى و قالي قرب عليك الأمان
قرب نحكيلك قصة شاعر ولهان
شاعر مغربي قاري و فنان
من فاس سطع بدرو ساني يداوي الحزان
قصايد عذبة تهيج الكيان
كل من سمعها يصير فحالو هيمان
درر نقية فاقت كل حسن بالنغام
ادريس ابن علي السناني
اسم الشاعر الهمام
ادريس ابن علي السناني
حفض هاد السمية مزيان
راه عار تنسى و تهان
يا طالب هادا فنان
يا طالب هدا فنان
تكلمت و قلت لطير
“لا تخاف
لا تخاف لا تبكي
وصيتك لبني ادم غا نحكي
الفنان ابن علي
شاعر قصايدو شاعلة فبيوتنا تگدي
قولو للالة غيتة مولاتي
و رحمي يا راحت العقل فاطمة غزالتي
قصايد مرصعة بالجوهر الغالي
فالسلك مرصوصة بالنور تشالي
وانا حالف بالمتقدم و المتولي
مانكل ولا نمل
حتى نبرح و نقول كل ما فدخالي”